Google u godit nga një ndërprerje masive ditën e hënë. Sipas DownDetector, një gamë e gjerë e shërbimeve të Google përfshirë YouTube, Gmail, Google Drive, dhe Google Maps filluan të shfaqin probleme rreth orës 13:15, me orën tonë lokale.
TechCrunch raporton se ndërprerja ka prekur disa vende të botës përfshirë SHBA, vendet Evropiane dhe Indinë. Ende nuk dihen arsyet e këtij problemi që po ndodh në të gjithë botën, ndërsa nga kjo është prekur edhe Shqipëria.
Edhe aplikacionet Google Docs, Sheets dhe Slides së bashku me Adwords, Adsense dhe Google Pay janë ndërprerë Kjo ndërprerje e madhe, shihet si një shqetësim nga shumë njerëz, kohë kur mbështetja tek interneti është bërë shumë e rëndësishme për shkak të pandemisë, ku me miliona që punojnë nga shtëpia.
