Ambasadorja amerikane në SHBA, Yuri Kim, ka reaguar pasi Këshilli i Emërimeve në Drejtësi dërgoi sot në Parlament listën e kandidatëve për anëtarë të Gjykatës Kushtetuese. Në një postim që ka bërë në rrjetet sociale, ajo e ka përshëndetur këtë proces, ku më tej ka shtuar se këtë javë vendi ynë do të ketë një nga dy gjyqtarët e nevojshëm për një gjykatë funksionale.
“Sot, KED përfundoi vlerësimin dhe i dërgoi Parlamentit listën e kandidatëve të kualifikuar për GJK. Kjo do të thotë … do të keni këtë javë një nga dy gjyqtarët e nevojshëm për funksionimin e GJK. Sapo Presidenca të emërojë gjyqtarin e saj, GJK do të jetë funksionale. Faleminderit të gjithëve për ndërmarrjen e masave urgjente!”– ka thënë ajo.
Këshilli i Emërimeve në Drejtësi, ka çuar në Kuvend emrin e kandidatit Altin Binaj, për miratim për vendin vakant në Gjykatën Kushtetuese. Në mbledhjen e sotme merrnin pjesë anëtarët e KED, përfaqësuesi i Avokatit të Popullit, përfaqësuesi i Presidentit të Republikës dhe përfaqësuesi i Kryetarit të Kuvendit.
