Një përplasje e fortë mes disa personash është shënuar pasditen e sotme në Vlorë. Një 46-vjeçar është dërguar i plagosur në spital. Burime nga vendi i ngjarjes flasin për të shtëna armësh, por policia thotë se personi është lënduar me sende të forta. Në vendin e ngjarjes është gjetur një gëzhojë ndërsa 3 persona të tjerë janë shoqëruar në polici.
NJOFTIMI I POLICISE
Rreth orës 17:20, në afërsi të Gjykatës së Apelit, Vlorë, si pasojë e një konflikti të çastit është dëmtuar në kokë, dyshohet me një send të fortë , shtetasi K. M., 46 vjeç, banues në Vlorë, i cili është dërguar për ndihmë mjekwsore, jashtë rrezikut për jetën.
Sherbimet e Policise kane shkuar menjeherë në vendngjarje. Është ngritur grupi hetimor i cili vijion veprimet në vendin e ngjarjes me qëllim zbardhjen e rrethanave të ngjarjes, identifikimin dhe kapjen e autorit. Në ambientet e Komisariatit të Policisë Vlorë janë shoqëruar disa persona për tu marrë në pyetje në lidhje me ngjarjen.
