Një tjetër person publik ka bërë me dije se ka kaluar COVID-19.
Bëhet fjalë për moderatoren Liberta Spahiu, e cila ka ndarë eksperiencën ditën e djeshme gjatë një interviste që ka realizuar në emisionin e saj.
Teksa po bisedonte me aktoren Lena Kryeziu Bokshi, në bisedë e sipër zbuloi se edhe ajo kishte rezultuar pozitive për koronavirus, por e kishte kaluar tashmë.
Moderatorja tregoi se për fat të mirë gjendja e saj shëndetësore nuk u rëndua veçse për dy javë humbi nuhatjen e shijen.
Deri tani kanë qenë disa figura publike që janë infektuar nga Covid-19, si: Diona Fona, Florjan Binaj, Stresi, Art Abazi, Nora Malaj, Rajmonda Bulku, Ledio Lako, Gent Sejko, Agron Llakaj, Albin Kurti, Blerina Gjylameti, Xhani Shqerra, Alketa Vjesiu, Valton Krasniqi, Xherdan Shaqiri, Silva Bino, Arjola Shehu, etj.
Autoritetet Shëndetësore në Kosovë bëjnë me dije se 24 orët e fundit ka humbur jetën 12 persona ndërsa janë infektuar 524 të tjerë.
Që nga fillimi i pandemisë në Kosovë janë regjistruar 46.118 raste pozitive, ndërsa 1.186 persona kanë humbur jetën.
