Ambasadori i OSBE-së në Tiranë, Bernd Borchardt ka reaguar sërish për skenën që ndodhi sot në tryezën e reformës zgjedhore, e cila u thirr nga institucioni që ai përfaqëson. Përfaqësuesit e opozitës, Ivi Kaso dhe Ralf Gjoni u larguan nga tryeza dhe kjo natyrisht la mbresa jo të mira në sytë e ambasadorit të OSBE. Deputeti Gjonaj u rikthye sërish në mbledhje, ndërsa tha se ai dhe grupi që ai përfaqëson do të mbështesë reformën zgjedhore.
Rikthimi i Gjonit në tryezë është përshëndetur nga ambasadori i OSBE-së, i cilu u shpreh mes tjerash se sot është bërë një hap i mirë në përafrimin e palëve, ndërsa shtoi se ndihet i lumtur që OSBE mbështet procesin e reformës zgjedhore.
“Këtë e shoh si një hap i parë i mirë, pavarësisht se çfarë ndodhi. Jam i lumtur se ne OSBE-ja do të mbështesim procesin e reformës zgjedhore” - tha Borchardt.
