Këshilli i Lartë i Prokurorisë gjatë mbledhjes së sotme ka vlerësuar 4 kandidatët, të cilët janë futur në garë dhe synojnë të marrin drejtimin e postit të kryeprokurorit të vendit, duke vendosur që tre prej tyre, Arta Marku, Olsian Çela dhe Fationa Memçaj, të vijojnë, ndërsa kandidati i katërt Lulzim Alushaj duhet të largohet nga gara.
Kjo për shkak se sipas ligjit, kandidati duhet të ketë ushtruar të paktën 15 vite punë si jurist i spikatur. Kandidati Alushaj nuk plotëson këtë kriter dhe si pasojë, ai nuk mund të ushtrojë të drejtën e garës.
