“Gjoka Konstruksion”, që njëherësh po punon edhe në rrugën e Arbrit, i kërkon prokurorisë që të hetojë drejtuesen e ARRSH-së për shkelje të ligjit. Në një prononcim për mediat, avokati i kësaj kompanie pretendon se ARRSH-ja i ka bërë një skualifikim të padrejtë “Gjoka Konstruksion”, duke favorizuar një firmë tjetër.
Avokati shtoi se ARRSH-ja detyrimi që duhet t’i kthejë shtetit kësaj kompanie është 7 miliardë lekë
"Është bërë korrupsion nga drejtoresha e ARRSH. Janë 4.2 milionë euro të marra në mënyrë të padrejtë më shumë sesa do e kryenim ne veprën publike. Ne kemi thënë; që ekziston vepra penale e korrupsionit. Kjo nuk do të thotë se ska vepra të tjerë, si pabarazia në tendera. Detyrimi që na ka për të kthyer ne është 7 miliardë lekë. E gjithë zhurma që është bërë ndaj kompanisë ‘Gjoka’ nga drejtoresha e ARRSH, ndaj të cilës bëmë edhe kallëzimin penal, është e padrejtë”, tha avokati.
