Kryeministri Edi Rama ka reaguar pas deklaratës së ministrit të Brendshëm, Sandër Lleshaj, i cili kërkoi shkarkimin e kryebashkiakëve nga radhët e opozitës së bashkuar joparlamentare, që përfshihen në pengimin e zgjedhjeve. Në një postim në llogarinë e tij personale në “Twitter”, Rama paralajmëroi se çdo kryebashkiak i përfshirë në cënimin e qendrave të votimit, do të përballet me drejtësinë për krime zgjedhore.
Reagimi i Ramës:
Çdo kryebashkiak që merret me brava shkollash të caktuara si qendra votimi, në përpjekjen harbute dhe qesharake, për të penguar zgjedhjet me dyer të mbyllura me çelësa marrëzie, bën mirë të lexojë Kodin Penal për krimet zgjedhore e të heqë dorë sa pa rënë në dorën e drejtësisë.
Askush tjetër përveç katër të marrëve që i udhëheqin, s’u ka faj kryebashkiakëve të opozitës për largimin nga gara zgjedhore, ndaj ata le të merren me hapjen e dyerve të partive përkatëse, jo të marrin në qafë veten e punonjësit e tyre, duke u kthyer në të pandehur për dyert e QV.
