Polici po kontrollonte për parcela të mbjella me kanabis, kur mendohet të ketë rrëshqitur dhe të ketë rënë. Ai ka rënë në një pjerrësi rreth 200 metër të thellë.
Sapo është dhënë informacioni, drejt vendngjarjes është nisur një helikopter i Ministrisë së Brendshme, për ta transportuar drejt Tiranës. Por për shkak të terrenit, ulja e helikopterit është e vështirë.
Ministria e Shëndetësisë njofton se në helikopter ndodhet ekipi mjekësor, ndonëse ende nuk dihet gjendja shëndetësore e policit.
“Njësia e Helikopterëve të Shëndetësisë në gatishmëri për ta transportuar drejt spitalit të Traumës në Tiranë. Shëndetësia dërgon helikopterin për policin e plagosur, por terreni i vështirë nuk e ka mundësuar uljen pranë vendit të ngjarjes. Ndaj prej 30 minutash ekipi mjekësor po ecën në këmbë drejt vendngjarjes dhe mësohet se sapo ka mbërritur pranë policit të plagosur, i cili pritet të transportohet me helikopter drejt spitalit të Traumës në Tiranë”, thuhet në njoftimin e Ministrisë së Shëndetësisë.
