Edi Rama ka takuar presidentin amerikan Donald Trump në samitin e NATO-s në Bruksel.
Ka qenë vetë Rama që ka postuar në profilin e tij të ‘Facebook’-ut një foto me Trump, ndërsa kryeministri e ka cilësuar si ‘foton e ditës’.
Sikurse duket në foto, mes dy liderëve ka pasur edhe një shtrëngim, ku Rama shihet mjaft i qeshur.
Kujtojmë se kur Trump ishte kandidat i republikanëve për president të SHBA, Edi Rama shprehu qëndrimin e tij kundër presidentit. Rama e quajti Trump "turp të njerëzimit" dhe më pas u shpreh: “Mos e dashtë Zoti që Amerika ta zgjedhë Trump për president”.
https://www.youtube.com/watch?v=qnv3wqcMjTU
Ai ka thënë se nëse ndodh që Trump të zgjidhet si i pari i SHBA-së kjo do të qe fatkeqsi për këtë vend, atëherë do të përkeqësoheshin marrëdhëniet diplomatike mes shqiptarëve dhe amerikanëve.
Por, Rama kishte menduar edhe rastin më të keq: Trump në krye të Amerikës. Në emisionin "Zona B" kryeministri u shpreh se 'tipa' si Trump i kapërcejnë këto deklarata.
"Me shumë gjasa do bëhet president i Amerikës… Nëqoftëse bëhet, fatkeqësi e amerikanëve, jo fatkeqësi e imja. Marrëdhëniet Edi Rama me Shtëpinë e Bardhë do jenë marrëdhënie të vështira? Tipa si ai i kapërcejnë këto gjëra të vogla."
https://www.youtube.com/watch?time_continue=41&v=DOJe9JEBG_o
©LAPSI.AL
