“Policia Rrugore Vlorë ka njoftuar se për arsye të zhvillimit të një aktiviteti, prej orës 19:00 deri më 23:00, të së dielës aksi rrugor Rradhimë-Shkolla e Marinës do të funksionojë vetëm me një kah drejtimi për lëvizjen e mjeteve”.
Kështu nis një njoftim i policisë që nuk tregon se bëhet fjalë për një aktivitet të kryeministrit Edi Rama. Ai ka vendosur të mbajë një takim për çështjen e ujërave të zeza në një orët me fluksin më të madh në qytetin bregdetar, por edhe në një nga pikat kyçe të tij.
Policia thotë se i përdorshëm do të jetë kahu i djathtë i rrugës Rradhimë-Vlorë, kurse kahu tjetër i këtij aksi do të përdoret për parkime. Drejtuesit e mjeteve që do të qarkullojnë nga Vlora drejtim Rradhimës, luten të përdorin aksin rrugor të Lungomares.
“Policia Rrugore kërkon mirëkuptimin dhe bashkëpunim e çdo drejtuesi mjeti për zbatimin e këtij sensi rrugor të përcaktuar për mbrëmjen e së dielës në mënyrë që të shmanget trafiku rrugor i rënduar ose bllokuar” – thuhet në njoftimin e policisë.
Blutë e Vlorës nuk rrëfejnë se trafiku është rënduar jashtëzakonisht nga Orikumi drejt Vlorës. Kthimi i pushuesve nga plazhet ka bërë që trafiku në këtë aks rrugor të jetë i tmerrshëm. Raportohet se për të përshkuar distancën nga Orikumi në Vlorë duhen rreth 2 orë. ©LAPSI.al
