Rita Ora dhe Jay-Z duket se u kanë dhënë fund mosmarrëveshjeve nga e kaluara. Këngëtarja shqiptare dhe ylli i hip hop-it kaluan gjashtë muaj nëpër gjykata në vitin e kaluar, por 27-vjeçarja ka vetëm fjalë të mira për të.
“Mendoj se aftësia më e madhe është që të jesh në gjendje të shohësh në 360 gradë dhe të vazhdosh të jesh ylli më i madh në botë”, u shpreh Rita për Jay-Z për “Metro”.
Kompania e Jay-Z kishte kërkuar dëmshpërblim prej 2.4 milionë dollarësh nga Rita, duke pohuar se ajo ka shkelur marrëveshjen. Më pas u arrit marrëveshja mes dy palëve dhe këngëtarja shqiptare nënshkroi me “Atlantic Records”.
