Pak ditë më parë ka përfunduar Festivali i këngës në RTSH në të cili Ejlli u prezantua me një bashkëpunim me Rezarta Smajën. Ai ishte një nga artistët që i shprehu hapur pakënaqësitë e tij, duke treguar përplasjen e tij me moderatorin Adi Krasta i cili nuk ja tha disa herë emrin në prezantimin e këngës. I ftuar në” Dasara Radio Show” Luizi ka shpjeguar fillesat e ‘problemit’ mes tyre që në talent show-n “Ethet”, ku Luizi ishte konkurent dhe Adi prezantues. Ejlli ka vijuar duke treguar se si Krasta nuk e ka përmendur emrin e tij gjatë prezantimit të këngës në asnjë prej netëve të festivalit. “Mua nuk më shqetëson fakti që nuk ma tha emrin ai, sepse nuk është se prisja që të ma thoshte emrin ai që të më njihnin njerëzit…por përderisa prezantuesi ka një kontratë me festivalin, dhe po ta marrësh hollë-hollë këngëtarët janë festivali, jo dritat, kamera e skena… ndaj prezantuesi ka për detyrë t’i prezantojë këngëtarët”-ka theksuar artisti.
