Kryetarja e LSI-së, Monika Kryemadhi deklaroi se Edi Rama po përdor paratë e vendit për t’i bërë qoka miqve të tij dhe jo bujqësisë.
Ne një takim me ekspertë ku u diskutua për buxhetin e bujqësisë, Kryemadhi shtoi se një nga koncesionet që jep Rama ka më shumë buxhet se ai i bujqësisë.
“LSI ka kërkuar përherë buxhet më të madh për bujqëinë. Kryeministri ka bërë qoka për miqtë e tij. Buxheti i bujqësisë është më i vogël se vetëm një nga konçesionet e tij. Kjo është qesharake. LSI ka nxjerrë disa tema kryesore që e shqetësojnë fermerin shqiptar. Ku është dora e shtetit për të zgjidhur problemet e tokës?” - tha Kryemadhi.
Në takim foli edhe ish-ministri i Bujqësisë, Edmond Panariti, i cili u shpreh se buxheti i caktuar nga qeveria Rama për bujqësinë është pamjaftueshëm dhe se ka lënë në harresë fshatin.
“Pamë vetëm rilindje pedonalesh, ndriçime, fasadash, nuk pati rilindje të fshatit. Gjysma e popullsisë së vendit është në fshat. Rritja e buxhetit është totalisht e pamjaftueshme për të plotësuar nevojat e fermerit.” - tha Panariti.
