Në “Manhattan Center” në New York u prezantua kalendari “Pirelli 2018”, i realizuar nga Tim Walker. Për Edicionin e 45-të të “The Cal”, i realizuar në Londër në maj, fotografi britanik rivizitoi botën surreale të “Aventurat e Lizës në botën e çudirave”.Një kast i gjithi “black”, siç ndodhi dhe në vitin 1987, ka si modele edhe Whoopi Goldberg, Naomi Campbell e Lupita Nyong’o.Për të realizuar interpretimin e librit dhe filmit, Walker përzgjodhi 18 personazhe, një pjesë të njohur dhe të tjerët jo, mes të cilëve muzikantë, aktorë, modelë dhe aktivistë politike.Imazhet kryesore të kalendarit janë modelja sudanezo-australiane Adut Akech, modelja dhe aktivistja feministe ganezo-britanike Adwoa Aboah, modeli senegalezo-gjerman Alpha Dia, aktori dhe modeli benizo-amerikan Djimon Hounsou, modelja sudanezo-australiane Duckie Thot, aktivistja ganeze për të drejtat e grave Jaha Dukureh, modeli britanik King Owusu, reperi amerikan Lil Yachty, aktorja keniano-meksikane Lupita Nyong’o, top modelja britanike Naomi Campbell, artisti RuPaul, aktorja amerikane Sasha Lane, reperi Sean “Diddy” Combs, që kohët e fundit ndryshoi emrin skenik në Love, modelja amerikane Slick Woods, modelja dhe avokatja afrikano-jugore Thando Hopa, aktorja Whoopi Goldberg, modeli britanik Wilson Oryema dhe stilistja, dizajnuesja dhe këngëtarja britanike Zoe Bedeaux.
