Në videon e siguruar nga Lapsi.al është momenti i arrestimit të doganierëve të Kapshticës që bashkëpunonin me disa persona për kontrabandën e veshjeve përkundrejt ryshfetit. 7 vetë janë arrestuar nga policia, nga të cilët 3 doganierë, 1 punonjës policie dhe 3 tregtarë. Dy të tjerë u shpallën në kërkim.
Të arrestuar janë:
- Flobenc Gaxho, 45 vjeç, banues në Tiranë, me detyrë përgjegjës turni në doganën Kapshticë;
- Fredi Blushi, 56 vjeç, me detyrë doganier në Pikën e Kalimit Kufitar Kapshticë;
- Gentian Keco, 33 vjeç, banues në fshatin Baban, Devoll me detyrë doganier
- Sali Dervishi, 53 vjeç, banues në Zëmblak, Maliq, me detyrë punonjës policie, kontrollor në Kapshticë;
- Klodian Korçari, 42 vjeç, banues në Bulgarec, Korçë;
- Xhuliano Skënderasi, 34 vjeç, banues në Vloçisht, Maliq;
- Gazmir Shkëmbi, 34 vjeç, banues në Dvoran, Korçë;
Ndërsa shtetasit G.A., 32 vjeç dhe S.Sh., 53 vjeç, u shpallën në kërkim.
Aksioni u zhvillua natën e kaluar, kur të arrestuarit janë kapur në flagrancë duke transportuar në bashkëpunim 22 ngarkesa me veshje të ndryshme të dyshuara kontrabandë.
Të arrestuarit e sillnin sasinë e veshjeve deri në Kapshticë me një kamion, të cilin e parkonin në doganën greke dhe më pas brenda ditës kalonin 3-4 herë drejt tokës shqiptare mallrat, me mjete të tjera më të vogla transportuese. Mallrat janë futur kontrabandë nëpërmjet Degës Doganore Kapshticë pasi nuk kanë kryer praktikat doganore.
