Ajola Xoxa është duke punuar me Miriam Canin për videoklipin e këngës së saj të re. Quhet “Meteor” dhe regjia vjen e gjitha nga Ajola.“Po pres me padurim që të gjithë ta shohin këtë. Projekt i ri me Miriam Canin. Më në fund jetësova qiellin e natës plot me yje shumëngjyrësh që kam patur gjithmonë në ëndërr,” shkruan Xoxa në postimin në Instagram.Një pjesë të klipit mund ta shohim në profilin e Miriam Canit, ku në rreth 30 sekonda shihen balerinë, modele, dhe vetë Miriami, të mbuluar në xixa holografike. Ajola ka komentuar “Stardust”, që është fjalë për fjalë, përbërja e meteorëve.
