Dyshohet se kemi të bëjmë me zjarrvënie të qëllimshme për të pastruar atë pjesë të territorit nga barishtet dhe shkurret, por flakët po përhapen, duke u favorizuar nga era e fortë. Një vatër zjarri është aktive mëngjesin e kësaj të marte në lagjen “15 Tetori” në Vlorë.
Zjarri ka rënë në një hapësirë me pemë të llojit pishë dhe shkurre që gjenden në disa prej shtëpive të banuara në zonën në fjalë.Ndërkohë në terren kanë mbërritur forcat zjarrfikëse, të cilat po mundohen të bëjnë të mundur shuarjen e flakëve. Vlen të theksohet se kjo është vatra e dytë aktive e zjarrit në këtë zonë gjatë ditëve të fundit.
