Një person ka humbur jetën dhe 18 të tjerë janë plagosur si pasojë e një aksidenti mes një kamioni dhe një treni pasagjerësh në perëndim të Polonisë. Ngjarja ndodhi në zonën e Garbatkës, rreth 50 kilometra në veri të Poznanit.
Sipas Ministrit polak të Infrastrukturës, Dariusz Klimczak, kamioni nuk ndaloi para kalimit hekurudhor dhe u përplas me trenin që po kalonte në atë moment. Autoritetet thanë se pas përplasjes kamioni u përfshi nga flakët. Si rrjedhojë, shoferi humbi jetën në vend. Ndërkohë, disa vagona dolën nga shinat, ndërsa 18 pasagjerë mbetën të plagosur.
