Tensionet dhe përplasjet në Kuvendin e Kosovës, po vijojnë ndërsa deputetja e PDK-së, Ganimete Musliu është përplasur me deputetë e LVV-së. Në këtë moment ajo është penguar nga sigurimi, ndërsa i është kthyer duke i thënë: “Mos më prek. Hera e parë dhe e fundit që më prek, ndryshe ndahesh keq”.
Në sallën e Kuvendit, dyert e së cilës u hapën për vizitorë nga diaspora, si dhe për të rinjtë në Ditën Ndërkombëtare të Rinisë, po vazhdon përpaslaja mes deputetëve të Vetëvendosjes dhe atyre të PDK’së që shkuan në sallë për të kërkuar thirrjen e seancës konstituive.
