Një aksident ndodhi pasditen e së martës në qytetin Antibes të Francës, kur një kamion humbi kontrollin dhe u përplas me të paktën 23 makina. Të paktën 37 persona janë plagosur nga incidenti, përfshirë 3 oficerë policie.
Sipas informacioneve nga BFMTV, një shofer kamioni dyshohet se ka rënë në gjumë në timon dhe ka shkaktuar aksidentin. Autoritetet arrestuan shoferin në vendin e ngjarjes.
Shumë automjete kanë pësuar dëme të rënda materiale. Një operacion shpëtimi është duke u zhvilluar për ata që kanë mbetur të bllokuar në automjetet e tyre.
Deri më tani, nuk ka raportime për viktima. 40 zjarrfikës me 18 automjete, ambulanca dhe forca policie nxituan në vendngjarje. ©LAPSI.al
