Gjashtë persona kanë humbur jetën në një seri të shtënash me armë zjarri në qytetin Muscatine, në shtetin e Iowa-s në SHBA, si rrjedhojë e një konflikti brenda familjes.Ngjarja e rëndë u regjistrua të hënën në disa zona të qytetit Muscatine.
Policia u njoftua fillimisht për të shtëna në një banesë, ku gjeti katër persona të pajetë. Gjatë kontrolleve të mëtejshme, hetuesit zbuluan edhe dy viktima të tjera në vende të ndryshme të qytetit. Sipas policisë, autori i dyshuar, 52-vjeçari Ryan Willis McFarland, u gjet i vdekur me një plagë të vetëshkaktuar nga arma e zjarrit. Hetuesit besojnë se të gjitha viktimat ishin familjarë të tij.
Autoritetet po vijojnë hetimet, ndërsa kanë konfirmuar se autori i dyshuar kishte precedentë penalë.
