Qeveria libaneze ka njoftuar se grupi militant Hezbollah i mbështetur nga Irani ka pranuar një propozim të SHBA-së për të ndërprerë sulmet ndaj Izraelit në këmbim të ndërprerjes së sulmeve ajrore në periferitë jugore të Bejrutit nga Izraeli.
Në një deklaratë të postuar nga Ambasada Libaneze në Uashington në "X" tha se marrëveshja me Hezbollahun ishte "në kontekstin e përpjekjeve të shtetit libanez për të ruajtur stabilitetin dhe për të kursyer Libanin nga përshkallëzimi i mëtejshëm".
Marrëveshja erdhi pas një telefonate midis Presidentit Libanez, Joseph Aoun dhe Sekretarit të Shtetit të SHBA-së Marco Rubio, dhe u pasua nga një tjetër telefonatë midis Presidentit të SHBA-së Donald Trump dhe Ambasadores Libaneze në SHBA, Nada Maawad.
"Sipas marrëveshjes së propozuar, sulmet izraelite në periferitë jugore të Bejrutit do të pushonin në këmbim të përmbajtes së Hezbollahut nga kryerja e sulmeve kundër Izraelit, me kuadrin e armëpushimit që do të zgjerohet për të përfshirë të gjitha territoret libaneze", thuhet në deklaratë.
Sipas deklaratës, Trump e informoi Maawadin se edhe kryeministri izraelit Benjamin Netanyahu kishte rënë dakord me propozimin.
"Negociatat janë planifikuar për të martën dhe të mërkurën, për të diskutuar këtë progres dhe për të ndërtuar mbi të", shtoi ambasada.
