Një ngjarje e rëndë ndodhi në Podujevë të Kosovës ku 4 persona u plagosën në një përplasje me armë zjarri në mes të qytetit.
3 nga të plagosurit janë anëtarë të të njëjtit fis të cilët janë përfshirë në konflikt ndërsa i plagosuri i katërt është një kalimtar i rastit. Mediat kanë publikuar pamje tronditëse nga ngjarja.
Në pamje shihet momenti kur të plagosur janë të shtrirë në tokë dhe njëri prej tyre tenton të ngrihet, por autori me armë në dorë e godet me grushte dhe shqelma.
Në këto momente ka ndërhyrë një efektiv policie, i cili e ka neutralizuar autorin dhe më pas është vënë në pranga.
Ende nuk dihen shkaqet e plota të kësaj ngjarjeje, ndërkohë policia po punon për zbardhjen e plotë të rrethanave. ©LAPSI.al
