Kryebashkiaku i Tiranës Erion Veliaj vendosi pak ditë më parë që t’i heqë të drejtën e firmës Anuela Ristanit. Në fillim u konsiderua si një përplasje mes tij dhe Ramës, meqë ky i fundit kishte këmbëngulur në rikthimin e saj në detyrë ku Veliaj firmosi shkarkimin e herën e parë.
Pas shkarkimit të Ristanit, Veliaj nuk ia transferoi firmën dikujt tjetër. Këtë situatë e sqaroi avokati i tij Plarent Ndreca që konfirmoi se Veliaj ka vendosur të ushtrojë mandatin e tij nga paraburgimi. Madje ai ka kërkuar që Veliajt t’i krijohen kushtet për ta ushtruar detyrën
“Gjykata Kushtetuese ka konfirmuar se Erion Veliaj është Kryetari legjitim i Tiranës dhe ka kërkuar që, në vlerësimin e masës së sigurimit, të merret në konsideratë edhe mandati i tij si Kryetar.
Z. Veliaj do të ushtrojë çdo kompetencë që ligji i njeh dhe do të kërkojë që t’i krijohen kushtet praktike për komunikimin me administratën dhe drejtimin e qytetit.
Nëse shteti e njeh Erion Veliajn si Kryetar, duhet t’i mundësojë edhe ushtrimin efektiv të mandatit”, - u shpreh Ndreca për TCH.
-
Para vendimit/ Manovrat që Veliaj të lërë qelinë
31 Gusht, 12:54
Pra, vendimi i Veliajt për të shkarkuar Ristanin shihet si një lëvizje për të shtuar një argument më shumë në seancën e 15 shtatorit në Gjykatën e Lartë se Tirana nuk po qeveriset dhe se kryebashkiaku duhet të lirohet. ©LAPSI.al
