Policia njoftoi se rreth orës 17:30, në aksin rrugor "Gjirokastër-Kakavijë", në vendin e quajtur "Kthesa e Viroit", një automjet tip kamion me drejtues shtetasin E. K., 54 vjeç, banues në Gjirokastër, është përplasur me motomjetin me drejtues shtetasin grek J. K., 34 vjeç.
"Si pasojë është dëmtuar 34-vjeçari, i cili është transportohet me helikopter drejt Tiranës për mjekim më të specializuar dhe momentalisht ndodhet jashtë rrezikut për jetën.
Drejtuesi i automjetit tip kamion, u shoqërua në komisariat, për veprime të mëtejshme. Grupi hetimor po kryen veprimet për zbardhjen e rrethanave të aksidentit" - thuhet në njoftimin e policisë.
Burime në vendin e ngjarjes thanë se i riu grek ka humbur njërën këmbë nga përplasja me kamionin. /LAPSI.al
