Protesta para Kuvendit është shoqëruar me tensione ende pa nisur seanca plenare. Siç e kishin paralajmëruar, një grup qytetarësh janë mbledhur sërish para organit ligjvënës. Një autobot me ujë është afruar pranë hyrjes së parlamentit nga ana e pedonales, menjëherë pas kordonit të policisë. As ai nuk u kursye nga tubuesit, të cilët i hodhën vezë.
Një pjesë e deputetëve të PS ishin futur në sallë më herët, por kalimi i disa ligjvënësve të tjerë socialistë bëri që qytetarët të nisin të hidhnin me vezë. 5 protestues kishin arritur të kalojnë kordonin e sigurisë dhe nisën me sulme, çka bëri që policia të ndërhyrje menjëherë për shoqërimin e tyre.
Makinës së kryetarit të Kuvendit, iu hodh miell e vezë. Ndërsa ndaj të tjerëve socialistë që futeshin në sallë, si Ardit Bido, Ervin Demo apo Blendi Klosi protestuesit që ndodheshin jashtë perimetrit të sigurisë hodhën vezë për t’i sulmuar.
