Gjykata e Posaçme ka pranuar kërkesën e mbrojtjes për të thirrur si dëshmitar ish-deputetin Halit Valteri në procesin për atentatin ndaj ish-prokurorit Arjan Ndoja, sot deputet i Partisë Demokratike.
Vendimi u mor gjatë seancës së radhës të gjyqit ndaj Amar Shkëmbit dhe Bledar Polovinës, të akuzuar nga SPAK për përfshirje në atentatin e 1 nëntorit 2019 në mbikalimin e Shkozetit, në autostradën Tiranë-Durrës. Nga sulmi me armë zjarri humbi jetën shoferi i ish-prokurorit, Andi Maloku, ndërsa Arjan Ndoja dhe Aleksandër Laho mbetën të plagosur. Me pranimin e kërkesës së mbrojtjes, Halit Valteri pritet të dëshmojë në vijim të procesit gjyqësor.
