Një rast i dhunës fizike brenda ambienteve të shkollës “Pavarësia” në Prishtinë është bërë publik përmes pamjeve që ka publikuar Kallxo.com, ku shihet një mësues duke goditur një nxënës.
Drejtori i shkollës, Halil Bruhaje ka konfirmuar se ngjarja ka ndodhur më 9 shkurt 2026. Ai ka theksuar se në momentin e incidentit nuk ka qenë prezent në shkollë.
Siç shihet edhe në pamje, mësuesi e gjuan me shuplakë disa herë nxënësin, e më pas ai ia kthen me shqelma, ku dhe nis një përleshje mes tyre.
Kryeprokurori i Prokurorisë Themelore në Prishtinë, Zejnullah Gashi, ka konfirmuar se ndaj mësuesit është lëshuar urdhër për ndalimin 48 orë.
“Po, është lëshuar urdhri për ndalim për 48 orë”, ka konfirmuar ai.
