Apeli i GJKKO ka lënë në fuqi masën e arrestit me burg për shefin e komisariatit të Policisë Rrugore në Tiranë, Roven Zeka.
Ndryshon masa nga arrest në burg, në arrest shtëpie vetëm për shefin e hetimit të aksidenteve, Sokol Novaku për shkak të rrethanave familjare.
Dyshohet se Roven Zeka dhe Sokol Novaku janë të përfshirë në një rast korrupsioni. Sipas të dhënave në polici, bëhet fjalë për një rast aksidenti ku e përfshirë është një grua. Për këtë rast nga hetimet e SPAK, prej disa javësh është mundur të zbulohet se dy oficerët e policisë Gjyqësore kanë marrë shumë të konsiderueshme parash, për të tjetërsuar provat në aksident. Ndërkohë asnjë institucion nuk bëri me dije se çfarë ndodhi me 5 qytetarët e plagosur në atë përplasje mes dy automjetesh më datë 16 prill.
