2025 nuk nis mirë për kryesuesit e kampionatit, që rrezikojnë tashmë të humbasin vendin e parë që në javën e parë të vitit. Dinamo mposhtet në Ballsh nga Bylis me rezultatin 2-1. Një arritje e madhe skuadrës së Nevil Dedes, që tashmë dalin nga zona e rënies, duke ia lënë atë Tiranës, edhe pse bardheblutë duhet ende të luajnë.
Ballshiotët duket se janë shndërruar si një “mace e zeze” për dinamovitët në këtë edicion, ku në 3 përballjet mes njëra-tjetrës, 2 herë ka fituar Bylis e një herë janë ndarë në barazim. Golat e Markut dhe Berkos, në minutat 20 dhe 90+3, zhvleftësuan barazimin e përkohshëm të Zabërgjas në minutën e 49'.
[video width="640" height="360" mp4="https://cdnimpuls.com/lapsi.al/wp-content/uploads/2025/01/67812cdb10f9f.mp4"][/video]
Ndeshja e zhvilluar në stadiumin “Adush Muça” të Ballshit, e vlefshme për javën e 20-të të Superiores, u karakterizua nga dy ekipe me dëshirë për fitore. Të besuarit e Ilir Dajësndoshta u intimiduan atëherë kur nuk duhej dhe në fund pësuan golin që i shkaktoi teknikut humbjen e dytë në pankinën e bluve.
[video width="744" height="360" mp4="https://cdnimpuls.com/lapsi.al/wp-content/uploads/2025/01/678122eccafb2-1.mp4"][/video]
Me renditjen të lexuar, Bylis kërkoi të vinte diktatin që në fillim, duke e spostuar lojën në gjysmëfushën dinamovite. Goli i Markut në minutën 19’ ishte një avantazh i legjitimuar, për atë që treguan skuadrat. Sidoqoftë, goli zgjoi tjetër karakter te Dinamo, që balancoi fushën, spostoi lojën e, në fillimin e pjesës së dytë, mori edhe rezultatin. Dinamo barazoi shifrat me Zabërgjën, por ndoshta hoqi dorë nga të qenit agresiv më shpejt se duhej, duke pësuar befasinë në fund. Pikërisht në shtesë, Berko shënoi një gol të çuditshëm, për t’i dhënë fitoren mallakastriotëve.
[video width="744" height="360" mp4="https://cdnimpuls.com/lapsi.al/wp-content/uploads/2025/01/678117c17c5fc-1.mp4"][/video]
Lexo më tej: Video/ Impakt brilant i Fernandos te Egnatia: Bakayoko mposht Laçin në fund
Me këtë fitore Bylisi u ngjit në kuotën e 21 pikëve në 20 ndeshje, ndërkohë që skuadra e Ilir Dajës mban përkohësisht vendin e parë me 34 pikë. Në sfidën e radhës Bylis do të përballet me Laçin, ndërsa Dinamo pret Elbasanin.
