Naim Mataj, xhaxhai i 33-vjeçarit Ramazan Mataj, ka folur për mediat pas vrasjes së të riut në Dragoç. Ai është shprehur se nipi i tij nuk ka pasur ndonjë konflikt që mund të jetë arsyeja e ekzekutimit të tij.
Xhaxhai i Ramazanit tregoi se Ramazani para afro një viti e gjysmë ka qenë në Belgjikë, ndërsa kohët e fundit ka punuar në Malin e Zi nëndërtim.
Po ashtu, ai tregoi se pasi kishin mësuar për ngjarjen mëngjesin e sotëm, policia nuk i kishte lejuar të shihnin trupin e 33-vjeçarit.
Xhaxhai i viktimës, Naim Mataj: Nuk ka asnjë konflikt nipi. Punonte në Malin e Zi si mjeshtër në ndërtim. Para afro një viti e gjysmë ka qenë në Belgjikë, ndërsa kohët e fundit ka punuar në Malin e Zi. Vëllai i tij ndodhet në Belgjikë.
Nuk kanë probleme apo ndonjë konflikt. Janë rritur me vështirësi sepse nuk e kanë pasur gjendjen ekonomike. Nuk është i martuar. Shtëpia nga vendngjarja është rreth një kilometër larg. Policia nuk na la të shihnim kufomën.
Sipas burimeve nga vendngjarja, viktima është qëlluar me automatik kallashnikov duke mbetur i vdekur në vend.
Autorët dyshohet se kanë vëzhguar lëvizjet e të riut gjatë mbrëmjes së djeshme dhe në momentin që ka dalë në rrugën kryesore të fshtatit, e kanë qëlluar duke e lënë të vdekur.
Një prej fqinjëve ka dëgjuar të shtënat mbrëmë, por për shkak se pranë vendngjarjes ndodhet një lokal dasmash, ka menduar se bëhet fjalë për të shtëna nga dasmorët, duke e mos e ditur se bëhet fjalë për një vrasje.
