Presidenti i Serbisë, Aleksandar Vuçiç, në mbledhjen e qeverisë tha se SHBA do të vendosë sanksione të drejtpërdrejta gjithëpërfshirëse ndaj industrisë së naftës të Serbisë dhe se për këtë problem do të bisedojë personalisht me presidentin e Rusisë, Vladimir Putin pas datës 20 janar.
Ai theksoi se SHBA do të dalin zyrtarisht me një vendim për sanksione para datës 15 janar.
“Unë i thashë nënsekretarit që nuk mund të jemi të lumtur për një vendim të tillë, por vijon dhe nuk kemi vend për ankesa, është e qartë që nuk është e drejtë, por këtë do t'ua lëmë analistëve. Pyetja e vetme është pse tani dhe në këtë moment ka arsye të çuditshme”, theksoi ai.
Sakaq, Vuçiç lajmëroi edhe mbajtjen e një ditë zie në Serbie për shkak të tragjedisë së ndodhur në Malin e Zi.
