Një aeroplan i braktisur Boeing 727 dikur në pronësi të Pablo Escobar është shndërruar në Airbnb-në më të bukur në botë duke i bërë klientët të ndihen si miliarderë. Avioni privat ndodhet në një pronë industriale në Bristol dhe ka brenda një vaskë të nxehtë dhe sauna. Ai mund të kushtojë deri në 1055 dollarë për natë.
I ndërtuar në vitin 1968 dhe i kthyer në avion privat në vitin 1981, ai ka fluturuar deri në vitin 2012 kur bëri udhëtimin e tij të fundit në aeroportin "Filton". Biznesmeni Johnny Palmer, 41 vjeç mori miratimin nga Këshilli Bashkiak i Bristolit për projektin e tij.
Ai tani u ofron klientëve mundësinë për të jetuar si një miliarder. “Ai u ndërtua në 1968 për Japan Airlines dhe në 1981 u shndërrua në një avion privat. Pati një sërë pronarësh. Përfundimisht nuk mundi më të fluturonte dhe në vitin 2012 kur u çaktivizua.
Njerëzit e shijojnë atë përvojë dhe e jetojnë atë fantazi për pak kohë dhe më pas jetojnë jetën e tyre normale. Kontrasti mes një miliarderi dhe jetës reale është me të vërtetë i shëndetshëm për njerëzit” - tha Johhny.
Ka pasur shumë thashetheme se cilët kanë qenë pronarët e mëparshëm të avionit duke përfshirë edhe një princ arab dhe mafian. “Dikush tha se Pablo Escobar mund ta kishte zotëruar atë për një kohë. Për sa i përket asaj se ku ishte më parë askush nuk e di. Kjo nuk e ndryshon faktin që ne po bëjmë kaq shumë gjëra pozitive me të tani" - tha ai.
Kjo Airbnb e pazakontë ka dy dhoma gjumi dyshe me tualete dhe dushe, si dhe ndenjëse që mund të shndërrohen në shtretër. Ai është i kompletuar me panele prej arre, sedilje lëkure, dush dhe tualet të veshur me ar si dhe kabinën origjinale të pajisur plotësisht.
Avioni nuk ka krahë ose motorë, por të gjitha funksionet e tjera funksionojnë duke përfshirë shkallët, ndriçimin, tre tualete, dush, kuzhinë, frigorifer dhe shumë nga dritat e kabinës.
“Unë gjithmonë doja të kisha një avion privat dhe kjo ishte një mundësi për të marrë një të tillë, Gjëja që doja nuk ishte kurrë një aeroplan që fluturonte. Me të ishte kam një avion privat, kjo është perfekte" - tha ai.
I gjithë projekti ishte një punë restaurimi që u deshën disa vite për t'u përfunduar. Netët më të lira në avion janë 250 £ dhe netët e pikut janë 850 £ për natën. /LAPSI.al
