Një sherr ka ndodhur ditën e sotme mes dy të miturve. Mësohet se dy 12-vjeçarët janë konfliktuar teksa po luanin futboll. Gjithashtu si pasojë e sherrit njëri prej tyre është dëmtuar lehtë me gur dhe ndodhet në spital nën kujdesin e mjekëve. Ndërsa i mituri tjetër është shoqëruar në Komisariat së bashku me prindin.
Njoftimi i Policisë:
Rreth orës 14:00, në fshatin Bulgarec, dy të mitur 12 vjeçar teksa po luanin futboll, janë konfliktuar me njëri-tjetrin. Nga konflikti është dëmtuar lehtë me gur njëri prej tyre, i cili po merr mjekim në spital pa probleme për jetën. 12-vjeçari tjetër, së bashku me prindin, është shoqëruar në Komisariat. Grupi hetimor po punon për sqarimin e rrethanave të rastit.
