Humbja me Ukrainën ka lënë fytyra të dëshpëruara te lojtarët e kombëtares së Shqipërisë. Arbër Hoxha u fut në fushë nga stoli gjatë ndeshjes me Ukrainën, e cila përfundoi me humbje 1-2. Pas përfundimit të takimit, ai dha një deklaratë ku shprehu mendimet e tij:
“Pjesën e parë nuk u qasëm siç duhej. Ishte një ndeshje e vështirë, në pjesën e dytë dhamë gjithçka për të kthyer rezultatin por nuk ia arritëm. Goli i parë na rrëzoi moralin, pastaj pas të dytit u bë shumë e vështirë. Ekipi kundërshtar kishte shumë kualitet. Trajneri na motivoi shumë, dhamë gjithçka për të kthyer rezultatin, por për fat të keq nuk arritëm të shënonim golin e barazimit”, deklaroi Hoxha për “TV Klan”.
LAÇI: "DUHET TË JEMI MË TË PËRQENDRUAR"
Mesfushori i Kombëtares së Shqipërisë, Qazim Laçi, pas humbjes ndaj Ukrainës, theksoi se ekipi duhet të paraqitet gjithmonë me të njëjtin intensitet si në pjesën e dytë. Ai shtoi se nuk duhet të pranojnë më gola në minutat e para të ndeshjeve.
“Edhe për ata ishte finale, edhe pse ndoshta skishte aq rëndësi sa për ne. E filluam pak keq ndeshjen, pjesën e dytë e patëm në kontroll lojën, na vjen keq. Krijuam aksione, u futëm shumë herë në zonë, paraqitja në pjesën e dytë ishte shumë e mirë dhe kështu duhet të vazhdojmë".
Lexo më tej: "Bëmë keq të gjithë bashkë": Sylvinho pa fjalë për pjesën e parë ku u vendos humbja
Minutat e para duhet të parashikojmë disa aksione, pasi nuk është hera e parë që pësojmë gola, duhet të jemi më të përqëndruar, u munduam në pjesën e parë, por nuk ja dolëm. Në pjesën e dytë i dominuam”, përfundoi Qazim Laçi.
ISMAJLI: "NDESHJA MË E KEQE NË TRE VJET"
Kapiteni i Kombëtares së Shqipërisë, Ardian Ismajli bëri një analizë të ndeshjes me Ukrainën, ku ndër të tjera theksoi: “Pjesa e parë ka qenë ndeshja më e keqe në këto 3 vitet e fundit. Nuk do të kemi gjithmonë fatin nga vetja. Në pjesën e dytë nuk kishim çfarë të humbisnim. Një pjesë e dytë shumë e mirë. Me 1 pikë ishim në “play off”. Duhet të marrim mësim nga kjo pjesa e parë, që skam fjalë. Duhet të mësojmë nga ky gabim shumë i madh. Lodhja ka bërë të vetën. Kur je përballë 20 mijë tifozëve, nuk duhet të ndjejmë lodhje. E rëndësishme është që në pjesën e dytë provuam. Nuk ia arritëm, por tashmë të shikojmë përpara.
Dy golat i morëm shumë shpejt dhe ramë shumë keq. Ishte shumë e vështirë, tentuam të bënim maksimumin. Në pjesën e dytë në patëm çfarë të humbisnim më. Pjesa e parë më e keqe në këto 3 vite me Shqipërinë. Duhet të mësojmë shumë nga kjo ndeshje". Ismajli pastaj ka hapur edhe një çështje me përgjigjen e tij, edhe pse ska dashur të krijojë polemika: "Unë e kam përgjigjen për formacionin, por nuk dua ta jap, jam profesionist, në pjesën e dytë ndryshoi gjithçka".
