“A mund ta fitojë Giorgia Meloni betejën me gjykatën e BE-së për planin e migrantëve?” Me këtë titull e përditshmja britanike “The Times” u ka kushtuar vëmendje pengesave të zbatimit të marrëveshjes Rama – Meloni për emigrantët. Në shkrimin që lapsi.al sjell më poshtë të plotë thuhet se marrëveshja e kryeministres italiane për përpunimin dhe riatdhesimin e emigrantëve në Shqipëri është ndalur duke i bërë jehonë betejës së Mbretërisë së Bashkuar për skemën e Ruandës.
Giorgia Meloni shijoi reputacionin e saj si udhëheqëse që kishte një plan. Teksa qeveritë evropiane dhe lidershipi i BE-së luftonin për t'iu përgjigjur presionit të votuesve për të shtypur migracionin e paligjshëm, kryeministrja italiane ndërmori masa. Falë një marrëveshjeje me Edi Ramën, kryeministrin e Shqipërisë, qeveria e saj ndërtoi një qendër në veri të Tiranës për të përpunuar dhe përgatitur me shpejtësi riatdhesimin e deri në 36 mijë emigrantëve në vit që ishin kapur në det.
Udhëheqësit evropianë u përpoqën të zbulonin nëse vendet e tjera të Ballkanit mund të ishin në dispozicion për të hapur qendra në “offshore”. Plani i dha Melonit lëvdata nga liderët e djathtë si Viktor Orban i Hungarisë, por edhe nga Ursula von der Leyen, presidente e Komisionit Evropian, e cila miratoi idenë e "qëndrimeve të kthimit jashtë BE-së", edhe pse grupet humanitare e kritikuan konceptin si të rrezikshëm.
Prandaj ishte ironike kur plani i Italisë për të dërguar në Shqipëri emigrantë që vijnë nga 19 vende që i konsideron “të sigurta” ra në kundërshtim me një vendim të Gjykatës së Drejtësisë së BE-së për të ngushtuar përkufizimin e një “vendi të sigurt”. Gjyqtarët në Romë ndaluan transferimin e emigrantëve në Shqipëri derisa gjykata në Luksemburg të shpjegojë më qartë përkufizimin e saj për “sigurinë e vendeve”, i cili mund të zgjasë muaj.
Të martën, Elon Musk u fut në debat me një sulm ndaj gjyqtarëve italianë, duke postuar në X: "Këta gjyqtarë duhet të largohen". Kjo ndërhyrje shkaktoi zemërim tek politikanët e opozitës italiane, të cilët akuzuan manjatin e teknologjisë për ndërhyrje në politikën e tyre, ashtu siç duket se do të marrë një rol aktiv në administratën e Donald Trump. Por çfarëdo që të besojë Musk, Meloni do të jetë po aq e shqetësuar me reagimin e votuesve italianë për përplasjet e saj ligjore për emigrantët.
Nëse ajo është e shqetësuar se popullariteti i saj do të bjerë pasi politika e saj e migracionit po lëkundet, ajo mund të inkurajohet për të bëjë luftë të gjithanshme ndaj gjyqësorit në Itali duke i fajësuar ata, pasi ajo argumenton se vendimet për migracionin duhet të merren nga qeveritë dhe jo nga gjyqtarët. Kjo mund të jetë e vetmja mënyrë për t'i vjedhur bubullimat Matteo Salvinit, zëvendëskryeministrit të saj të zhurmshëm, i cili prej ditësh i quan gjyqtarët "komunistë".
Nëse pason një përplasje me gjykatat, Italia mund të shohë një kthim në ditët kur Silvio Berlusconi, ish-kryeministri, i egërsonte rregullisht gjyqtarët që hetonin marrëveshjet e tij të biznesit. Por këtë herë beteja mund të jetë edhe më e ashpër. ©Përgatiti LAPSI.al
