Mungesat dhe vonesat ndikojnë në përgatitjet e Shqipërisë: Sylvinho pret dy lojtarë

Ndërkohë që Kombëtarja e Shqipërisë është duke u përgatitur për ndeshjen e parë të nëntorit, ajo është privuar nga disa mungesa të rëndësishme që mund të ndikojnë në performancën e saj. Dëmtimet e lojtarëve kryesorë si Gjimshiti, Manaj, Bare dhe Kumbulla kanë krijuar një hendek të thellë në formacionin e teknikut Sylvinho, dhe situata ka u bë edhe më e vështirë me vonesat e lojtarëve të tjerë. Përballë kësaj situate, tekniku brazilian ka bërë disa thirrje të vona për të plotësuar grupin, pas mësimit të lajmit të pakthyeshëm të dëmtimit të katër futbollistëve. Dy lojtarë, Jon Mersinaj dhe Adrian Bajrami, munguan edhe në seancën e dytë stërvitore të zhvilluar sot pasdite në “Shtëpinë e Futbollit”. Sipas informacionit nga Departamenti i Komunikimit në FSHF, dy lojtarët kanë mbërritur pak çaste më parë, në hotelin ku janë grumbulluar kuqezinjtë, por do t'i bashkohen skuadrës nesër.

NISIN STËRVITJET TAKTIKE

Pavarësisht këtyre sfidave, Sylvinho ka mundur të realizojë një seancë stërvitore të plotë, sepse grupit i janë bashkuar 11 lojtarë: Elhan Kastrati, Arlind Ajeti, Enea Mihaj, Amir Abrashi, Qazim Laçi, Jasir Asani, Taulant Seferi, Nedim Bajrami, Arbnor Muja, Ernest Muçi dhe Indrit Tuci. Kështu, Sylvinho është përqendruar në përgatitjen taktike dhe fizike, përpara ndeshjes tejet të rëndësishme ndaj Çekisë. I pranishëm në stërvitje ishte gjithashtu Mirlind Daku, por ai ka punuar vetëm në palestër për shkak të lodhjes pas udhëtimit të gjatë. Lexo më tej: Video/ Tkurret lista kuqezi: tronditet Sylvinho, humbet 4 lojtarë të rëndësishëm Ndeshja ndaj Çekisë, që do të luhet të shtunën më 16 nëntor në stadiumin “Air Albania” në orën 20:45, ka një rëndësi të madhe për Kombëtaren shqiptare. Në këtë sfidë të parë të ciklit të ri, Shqipëria do të kërkojë çdo mundësi për të mbajtur shpresat për kualifikim të hapura, ndërkohë që do të duhet të përballet me një ekip të fortë dhe të organizuar si Çekia, në një ndeshje që do të vendosë shumë për të ardhmen e kuqezinjve në këto eliminatore.

? Djemtë tanë po përgatiten në "Shtëpinë e Futbollit" për ndeshjet me ?? Çekinë dhe Ukrainën ?? ℹ️ Adrian Bajrami dhe Jon Mersinaj kanë mbërritur, ndërsa Mirlind Daku u stërvit në palestër. Pjesa tjetër ishte nën urdhrat e trajnerit Silvinjo. pic.twitter.com/EXyoToDPdq

— FSHF (@FSHForg) November 12, 2024