Nuk ka vonuar fare përgjigja e Preisidenti i Inter, Beppe Marotta, ndaj thumbimit të Presidentit të Milan Paolo Scaroni ndaj zikaltërve. “Scaroni tha se përfaqëson skuadrën e vetme të Milanos? Kjo varet nga këndvështrimi – deklaroi presidenti i Inter para dhënies së Çmimit Liedholm. Nëse skuadra e vetme e Milanos përfaqësohet nga ai, kjo është sepse ne përfaqësojmë diçka edhe më të madhe”. “Por nuk dua të bëj polemika, Paolo është një mik – shtoi ai -. Në kravatën time ka dy yje, shpresoj që së shpejti t’i arrijë edhe Milan...”
Pastaj, disa komente mbi ndeshjen Inter-Napoli dhe shpërthimin e fortë të Antonio Conte pas ndeshjes, për penalltinë e akorduar në favor të zikaltërve. “Conte është një njeri i zgjuar dhe një komunikues i shkëlqyer. Ai ka qëllimin e tij kur flet – shpjegoi Marotta -. Arbitri ishte shumë pranë aksionit, sigurisht që kishte kontakt, këmba u lëviz dhe për këtë arsye ishte penallti”. “Pastaj, debati mbi protokollin e VAR-it është një debat konstruktiv – vazhdoi Marotta -. Me teknologjinë, gabimet janë reduktuar. Dhe në këtë rast, penalltia ishte e papërshtatshme për diskutim”.
Lexo më tej: Milan feston 125 vjetorin, Scaroni injoron Inter: “Skuadra e vetme e Milanos”
“Sot futbolli jeton nën një presion të vazhdueshëm, ku në rastin e një penalltie të paakorduar shpërthejnë polemika të mëdha dhe të pafundme – shtoi presidenti i Inter -. Këshilloj teknikun Inzaghi, që është i ri dhe në zhvillim të vazhdueshëm, të fitojë qetësinë dhe maturinë e Liedholm". “Për merkaton e janarit? Nuk besoj, pasi kemi një skuadër konkurruese – e mbylli Marotta -. Kemi një skuadër të madhe me vlerë të lartë”.
