Çfarë ndodhi?
Portieri i Milan kishte kapur topin për të ekzekutuar një goditje dënimi që gjyqtari kishte akorduar në favor të tij. Maignan e kapi topin me duar, e vendosi poshtë për të bërë një pasim të shpejtë drejt Emerson Royal, i cili ishte pozicionuar i lirë në krahun e djathtë. Teksa po e kalonte topin, pa dashje preku paksa këmbën e djathtë të Vinicius, i cili ishte afruar për ta ngacmuar dhe për të ngadalësuar rifillimin e lojës nga Milan. Një prekje e lehtë që Maignan as nuk e vuri re (aq sa nuk e hodhi asnjëherë vështrimin drejt brazilianit), por Vinicius e shfrytëzoi këtë për të inskenuar një simulim të pandershëm, me qëllim për të mashtruar arbitrin. Sulmuesi i Real Madrid u hodh menjëherë në tokë, duke kapur kaviljen e majtë me duar dhe duke u shtrëmbëruar me një shprehje dhimbjeje, ndërsa rrotullohej disa herë në fushë, për të qëndruar më pas shtrirë për disa sekonda. Një reagim shumë i ekzagjeruar në raport me një prekje të lehtë dhe të pavullnetshme të Maignan, që jo vetëm që nuk mashtroi ekipin arbitral, por e ekspozoi Vinicius ndaj kritikave nga kundërshtarët e tij, të cilët gjithmonë e kanë akuzuar se, ndonëse është një lojtar i madh, lë shumë për të dëshiruar në aspektin e sportivitetit dhe fair-play-it në fushë.La simulation claire de Vinicius... ?pic.twitter.com/gd0bQkuBIC
— Football Actu (@FootActu_2) November 5, 2024
