Nuk ishte një mbrëmje e mirë as për Real Madridin, as për Jude Bellingham. Humbja kundër Milanit në Champions League ishte e thellë dhe e papritur, duke hapur polemika të reja në Spanjë ndaj skuadrës së Carlo Ancelottit: Los Blancos kanë një skuadër të pasur me talente, por deri tani nuk kanë treguar ende se mund të përmbushin pritshmëritë. Humbja kundër kuqezinjve krijoi tensione shtesë, të cilat u vunë re që gjatë ndeshjes.
Një nga lojtarët më të nervozuar ishte pikërisht anglezi, i cili brenda një viti është bërë i panjohshëm. Në sezonin e tij të parë në La Liga, ai shënonte, kënaqej dhe ishte në qendër të lojës, ndërsa këtë vit e ka të vështirë të përshtatet me mekanizmat e lojës dhe është kritikuar shpesh nga shtypi për mungesën e angazhimit të tij.
Reagimi i Bellingham pas zëvendësimit
Megjithatë, Ancelotti ende e konsideron atë një titullar të padiskutueshëm, dhe edhe kundër Milanit e nisi nga minuta e parë. Por kjo nuk ishte e mjaftueshme për t’i dhënë Real Madridit stabilitet dhe gjallëri në sulm, dhe për këtë arsye ai u zëvendësua rreth 15 minuta para fundit të ndeshjes; në vend të tij hyri Rodrygo, një ndryshim që në fund nuk solli asgjë shtesë për Real Madridin. Ndërsa largohej nga fusha, Bellingham u kap nga kamerat duke shfaqur një gjest të madh frustrimi.
Lexo më tej: Video/ Milan turpëron Real Madrid: Sporting poker ndaj City, Zhegrova ndalon Juventus
Pasi përshëndeti shokët e ekipit dhe Ancelottin, anglezi u drejtua drejt stolit me kokën ulur, plot nervozizëm, të cilin e shfryu duke goditur një shishe me këmbë. Pa dyshim, Bellingham nuk ishte dakord me zëvendësimin, i cili ndodhi në një moment delikat të ndeshjes, por më në përgjithësi ai përpiqej të shkarkonte zemërimin për një ndeshje që shkoi keq, një tjetër e tillë këtë sezon në të cilën nuk arriti të linte gjurmë.
Në fund, nuk pati ndonjë alarm të madh në stolin e Real Madridit, por sigurisht që ish-lojtari i Borussia Dortmund-it është një nga lojtarët më të kritikuar muajt e fundit, lideri nga i cili të gjithë prisnin më shumë në këtë moment të vështirë.
