Sa do të fitojë Jake Paul për të sfiduar Mike Tyson: shpërblimi është marramendës

Ndeshja që të gjithë po e presin prej një kohe të gjatë, pas shtyrjes së parë, është caktuar për të premten, më 15 nëntor në Teksas: Jake Paul do të sfidojë legjendën Mike Tyson, në një event unik si në frontin sportiv ashtu edhe në atë mediatik. Sfida ka vënë tashmë në lëvizje një makineri gjigante organizative, që do të qarkullojë miliona euro mes sponsorëve dhe reklamave. Ndërsa Iron Mike ka refuzuar gjithmonë të zbulojë se sa do të fitojë nga sfida e planifikuar, Jake Paul mes rreshtave ka zbuluar kompensimin për ngjitjen në ring, pavarësisht rezultatit përfundimtar: 40 milionë euro.

Sa do të fitojë Jake Paul për të sfiduar Mike Tyson

Edhe pse rreth ngjarjes së 15 nëntorit qarkullojnë miliona, askush nuk dëshiron të flasë për paratë. Në lojë janë shumë më tepër midis atij që, si Tyson, duhet të mbrojë legjendën e tij dhe atij që, si Paul, është në kërkim të një konfirmimi të radhës për të qenë ndër protagonistët e epokës së re të boksit. Megjithatë, të gjithë pyesin se sa do të fitojnë të dy për një sfidë që tashmë ka hyrë në historinë e boksit ende pa filluar. As Tyson dhe as organizatorët e ndeshjes nuk kanë zbuluar publikisht se cila do të jetë pagesa e Iron Mike dhe nuk ka pasur asnjë njoftim zyrtar për çmimet apo kontratat e firmosura nga Paul ose Tyson. I vetmi sinjal jozyrtar për paratë në lojë për këtë ngjarje erdhi nga vetë Paul gjatë një konference për shtyp, për të promovuar ndeshjen: “Jam këtu për të fituar 40 milionë dollarë dhe për të mposhtur një legjendë”, tha ai, dhe nuk u mohua më pas.

Believe & you can achieve #PaulTyson pic.twitter.com/jJuR7FG2c1

— Jake Paul (@jakepaul) November 3, 2024

Pagesa e Tyson: askush nuk e di sa para do të fitojë

Po Mike Tyson? Sigurisht që Iron Mike nuk e bën këtë vetëm për krenari personale, përkundrazi. Sfida në Las Vegas tashmë i ka dhënë shkëlqim legjendës, duke rinovuar mitin e tij. Sfida ndaj Paul nuk është nxitur nga dëshira për fitime të lehta dhe të mëdha, të cilat ish-kampioni i botës i merr gjithashtu prej aktivitetet jashtë-sportive, së pari me markën e tij Tyson 2.0, e themeluar tre vite më parë dhe që është bërë një perandori në tregun e produkteve me kanabis: vetëm në vitin 2023, ajo ka realizuar 150 milionë dollarë në të ardhura. Gjithmonë Tyson dhe ekipi i tij kanë mbajtur gojën e mbyllur mbi pagesën që do të marrë për t’u rikthyer në ring, por ka nga ata që kanë bërë llogaritë dhe mendojnë se Tyson mund të fitojë diçka si 20 milionë euro, shifër që ishte përfolur gjatë emisionit “Jimmy Kimmel Live” në ABC, ku Tyson ishte i ftuar, dhe përmendeshin fitimet e ish-kampionit të peshave të rënda.

Homicidal #PaulTyson pic.twitter.com/roIcVxOVZn

— Mike Tyson (@MikeTyson) October 31, 2024

Jake Paul kundër Tyson, programi, oraret dhe si ta shikoni në TV

Ndeshja e boksit mes Jake Paul dhe Mike Tyson do të zhvillohet në natën mes 15 dhe 16 nëntorit 2024, në orën 05:00, me orën shqiptare. Ngjarja do të zhvillohet në AT&T Stadium të Arlington, Texas, falë bashkëpunimit mes Netflix dhe Most Valuable Promotions.