Një aksident i trefishtë është regjistruar mbrëmjen e sotme në aksin Lezhë - Laç. Ngjarja e rëndë ndodhi në pranë vendit të quajtur “Kryqëzimi i Treshit”. Nga përplasja e mjeteve ka humbur jetën një person. Sipas informacioneve viktima nuk është identifikuar ende ndërsa besohet se është i moshës rreth 30 vjeç.
Nga detajet e reja të zbardhura nga vendi i ngjarjes mësohet se mjeti tip “Opel” ku udhëtonte viktima ka qenë duke kryer një parakalim kur është përplasur fillimisht me mjetin tip “Ford”.
Pas përplasjes së parë mjeti është goditur edhe nga një tjetër makine tip fuoristradë qe vinte përballë saj. Si pasoje e humbjes se kontrollit, makina është përmbysur në rrugë. Për shkak të plagëvë të rënda të marra nga përplasja shoferi ka humbur jetën në vend.
"Rreth orës 21:00, në aksin rrugor “Lezhë- Milot”, janë përplasur tre automjete. Si pasojë e përplasjes ka ndërruar jetë në vendngjarje drejtuesi i automjetit tip “Opel”, ende i paidentifikuar
Ndërsa shtetasi A. R., 23 vjeç, drejtuesi i automjetit tip “Ford” ndodhet nën kujdesit e mjekëve. Ndërkohë drejtuesi i automjetit tip “Toyota” ndodhet në vendngjarje. Grupi hetimor vijon veprimet në vendngjarje për përcaktimin e rrethanave dhe shkakut të aksidentit" - thuhet në njoftimin e policisë. ©LAPSI.al
