Një pallat është përfshirë nga flaket si pasojë e një defekti elektrik në automatet e ndërtesës mbrëmjen e kësaj të shtune në Lezhë. Zjarrfikësit kanë ndërhyrë menjëherë duke bërë të mundur shuarjen e flakëve.
Mediat raportojnë se fatmirësisht nuk ka të lënduar përveç një të moshuari që është nxjerrë në gjendje asfiksie. Përhapja e tymit dhe flakëve ka qenë e menjëhershme duke shkaktuar panik te banorët të cilët kanë dalë jashtë ndërtesës. Ekspertët janë duke punuar për të zbuluar arsyet e zjarrit.
"Rreth orës 17:55, në rrugën “Shtraus", në Lezhë, në një pallat ka marrë flakë kabina elektrike. Shërbimet e zjarrfikses dhe shërbimet e Policisë bënë të mundur evakuimin e banorëve si dhe neutralizimin dhe shuarjen e zjarrit. Grupi hetimor ndodhet në vendngjarje dhe po punon për sqarimin e rrethanave të rastit" - thuhet në njoftimin e policisë.©LAPSI.al
