Video/ Mancini tërbohet: sher me tifozin dhe rrezikon shkarkimin nga Arabia Saudite

Roberto Mancini është gjithnjë e më shumë në ciklonin e stuhisë. Trajneri i Arabisë Saudite e lejoi veten të bënte një gjest të hapur zemërimi ndaj një tifozi, pasi mori një tjetër ankesë në fund të ndeshjes kundër Bahreinit, e vlefshme për kualifikueset e Botërorit 2026, e cila përfundoi 0-0. Videoja bëri shpejt xhiron e internetit, duke dëshmuar për fazën mjaft delikate me të cilën po përballet tekniku nga Jesi. Mancini ka arritur vetëm një fitore deri më tani në Grupin C të kualifikueseve të konfederatës aziatike, kundër Indonezisë në ndeshjen e dytë. Më pas ka marrë dy barazime (të dyja për shkak të një penalltie të humbur) dhe një humbje, kundër Japonisë. Arabia Saudite është aktualisht në vendin e tretë në tabelë, pas japonezëve dhe Australisë dhe barazimi 0-0 me Bahreinin u pa nga shumë njerëz si një mundësi e humbur për të bërë një hap të rëndësishëm në renditje.

REAGIMI I TEKNIKUT

"Problemi? Problemi është vetëm një: nëse nuk shënojmë, nuk fitojmë – ishte konsiderata e teknikut Mancini në fund të ndeshjes -. Pastaj nëse përfundojmë duke humbur një penallti çdo ndeshje, gjithçka bëhet edhe më e vështirë. Si zgjidhet? Nuk e di”. Lexo më tej: Mancini fitoi debutimin me Arabinë Saudita, Al-Qahtani e bën ‘leckë’: "Burracak, frikacak e gënjeshtar" Arabia rrezikon të mos marrë pjesë në Botërorin 2026 dhe pankina e teknikut Mancini tani është më shumë se kurrë në rrezik. Fjalët e Yasser Al Misehal, kreut të federatës saudite, konfirmojnë se marrëdhëniet tani janë në nivelet më të ulëta dhe nxisin thashethemet për një shkarkim të mundshëm, pavarësisht një kontrate deri në vitin 2027 me vlerë 18 milionë në sezon plus bonuse: "Duhet t'u kërkojmë falje tifozëve tanë, që na mbështesin. Është një situatë e papranueshme, ne kemi marrë dy pikë në tre ndeshjet e fundit në shtëpi”, tha Al Misehal pas barazimit. Pastaj mbyllja: "Ne do të marrim një vendim".

????????

مانشيني يشتم جماهير المنتخب السعودي ! pic.twitter.com/X3Y2Xwom2w — ITTI MANIA - اتي مانيا (@IttiMania) October 15, 2024