Pas Kampionatit Europian në Gjermani një muaj më parë, Spanja përsëritet edhe në Lojërat Olimpike, duke treguar se më shumë mundësi është skuadra më e fortë në botë. Iberikët fituan edhe medaljen e artë olimpike duke mposhtur në finale 5-3 Francën vendase, në kohën shtesë.
Një ndeshje me përmbysje e kundërpërmbysje, në të cilën Spanja rrezikoi të befasohej keq në fund. Pas një starti të mirë të francezëve që kaluan në avantazh me Millot në minutën e 11', iberikët përmbysën gjithcka pas dygolëshit të Lopez dhe Baena.
Por asgjë nuk kishte përfunduar sepse 10' minuta nga fundi Franca u kundërpërgjigj me Akliouche. E pastaj në minutat shtesë erdhi barazimi i Mateta me penallti, të vendosur me VAR. Koha e rregullt përfundoi 3-3, por në shtesë kishte ende befasi.
Në minutën e 10' të pjesës së parë shtesë Spanja kaloi sërish në epërsi me Camello, që vulosi fitoren 5-3 në minutën e 120', duke i dorëzuar iberikëve edhe medaljen e artë olimpike.
