Diogo Costa i pari që priti të gjithë serinë e penalltive: ja kush janë penallti-pritësit më të mirë të historisë

Diogo Costa hyri në historinë e futbollit, duhet thënë, nga dera kryesore. Portieri i Portugalisë, me paraqitjen monstruoze ndaj Sllovenisë, u bë i pari që priti një seri të tërë penalltish në një ndeshje të Kampionatit Europian. Arrin në të njëjtën kohë edhe një numër të vogël portierësh që mburren me numrin më të madh të penalltive të pritura në një Europian, renditje në të cilën janë të pranishëm edhe Buffon dhe Donnarumma. Sidoqoftë, ajo që bëri Diogo Costa ishte sensacionale. Portieri portugez ndaloi goditjet nga 11 metra të Ilicic, Balkovec dhe Verbic, radhazi, duke lejuar kombëtaren e tij të kualifikohej në çerekfinale. Nuk kishte ndodhur kurrë më parë që një portier të priste tre nga tre penallti (në këtë rast 100% të goditjeve) në një sekuencë të fundit. Diogo Costa e kishte fituar tashmë famën e tij si pritës i penalltive në Champions: tre penallti të pritura në një edicion të vetëm të Kupës, megjithëse në tre ndeshje të ndryshme. Në edicionin 2022, në fakt, portieri i Portos ndaloi Schick në ndeshjen kundër Bayern Leverkusen, Demirbay përsëri kundër gjermanëve dhe Lang në ndeshjen kundër Bruges.

PENALLTI-PRITËSIT E TJERË

Duke kthyer vëmendje te Europiani, me tre penalltitë e pritura ndaj Sllovenisë, Diogo Costa bëhet portieri që ka pritur më shumti penallti në historinë e turneut kontinental. Por ai nuk është i vetëm: në këtë renditje speciale (që merr parasysh vetëm "seritë finale" të penalltive dhe numëron vetëm ato të pritura, pra jo shtyllat, traversat apo goditjet jashtë) janë edhe Gianluigi Buffon, Iker Casillas, Unai Simón dhe Gianluigi Donnarumma. Gigio Donnarumma, portieri dhe kapiteni i Italisë, priti një penallti ndaj Morata kundër Spanjës në vitin 2021 dhe ndaloi anglezët Sancho dhe Saka në finalen e paharrueshme në Wembley. Kështu edhe për të janë tre penallti të pritura në serinë finale në Kampionatin Evropian. Pastaj është një tjetër italian, Buffon, në kuotën tre. Ai ndaloi Dani Guiza në vitin 2008 kundër Spanjës, Cole në vitin 2012 kundër Anglisë dhe Muller kundër Gjermanisë në vitin 2016. Në kuotën tre janë edhe dy portierë spanjollë: Iker Casillas dhe një lojtar ende aktiv Unai Simon, i cili magjepsi zviceranët Schar dhe Akanji dhe italianin Locatelli në edicionin 2021.

ASKUSH MË I MIRË SE DUKADAN

Por nëse flasim për pritësit e penalltive, nuk mund të mos përmendet një kuriozitet që lidhet me Helmuth Duckadan, portierin rumun të Steaua Bukureshtit: në finalen e Kupës së Kampioneve të vitit 1986 kundër Barcelonës ai priti 4 nga 4 penallti, duke lejuar skuadrën e tij të bëhet kampione Europe pasi 120 minutat u mbyllën në barazim.

That save in extra time! ?

A heroic performance from Diogo Costa ⛔?@Vivo_GLOBAL | #EUROPOTM pic.twitter.com/8SUasSX2aR

— UEFA EURO 2024 (@EURO2024) July 1, 2024