Kombëtarja shqiptare ka nisur zyrtarisht përgatitjen për Euro 2024 me kuqezinjtë që kanë zhvilluar edhe seancën e parë stërvitore pas mbërritjes në Graz një ditë më parë. 25 lojtarë janë tashmë nën urdhërat e teknikut Sylvinho, sepse edhe Taulant Seferi është bashkuar sot me grupin.
Skuadra e drejtuar nga trajneri Silvinjo dhe stafi teknik kanë punuar me grupin për më shumë se një orë me ngarkesë të plotë dhe i gjithë proces stërvitor ka shkuar normalisht. Departamenti i Komunikimit në FSHF bën me dije se me grupin është bashkuar në këtë seancë edhe Taulant Seferi. Sulmuesi mbylli të premten impenjimin me klubin e tij në Dubai dhe u stërvit rregullisht.
Seferi gëzon gjendje të mirë fizike, ashtu si edhe pjesa tjetër e skuadrës. Edhe portieri Elhan Kastrati ka kaluar gjendjen gripale dhe është stërvitur me pjesën tjetër të skuadrës. Priten tani vetëm Amir Abrashi dhe Berat Gjimshiti. Mesfushori do të bashkohet sot me grupin, ndërkohë që i fundit do të vijë në grumbullim Gjimshiti pasi të ketë përfunduar angazhimet e tij me klubin e Atalantës.
Lexo më tej: Video/ Kombëtarja shqiptare mbërrin në Austri: Gjimshiti humbet miqësoren me Lihtenshtejnin
Ndërkohë, ekipi do të vijojë me përgatitjet e fundit nesër në prag të miqësores së parë të qershorit, asaj ndaj Lihtenshtejnit, që zhvillohet më datë 3 qershor, duke nisur nga ora 20:00 në stadiumin “Haladas” të Hungarisë.
https://www.youtube.com/watch?v=ZF7ZVV6kywE
