Alexander Sorloth, shënojeni këtë emër. Sulmuesi norvegjez i lindur në vitin 1995 që luan për Villarreal ka bërë historinë e futbollit. Djaloshi ka shënuar 4 gola ndaj Real Madrid në ndeshjen e parafundit të La Liga. Skuadra e Carlo Ancelotti e kishte mbyllur pjesën e parë me rezultatin 4-1 falë një dygolëshi të Guler dhe golave të Joselu dhe Lucas Vasquez, por në pjesën e dytë Sorloth u ekzaltua. Norvegjezi, pas golit të shënuar në pjesën e pare, realizoi 3 të tjerë në harkun e 8 minutave (nga 48' deri në 56'), duke hyrë kështu në historinë e futbollit.
Rezultati përfundimtar ishte 4-4, me norvegjezin që - me një ndeshje nga fundi i kampionatit - është i pari në tabelën e golashënuesve me 23 gola. 29 vjeçari ka lënë pas Dovbyk (21) dhe Bellingham (19). Sorloth është lojtari i njëmbëdhjetë që shënon 4 gola kundër Real Madrid, i fundit që e ka bërë këtë ishte Castellanos, sezonin e kaluar me fanellën e Granadës.
Para tij, Leëandoëski kishte arritur këtë gjë me Borussia Dortmund (Champions League 2013). Të njëjtën gjë kishte bërë edhe Diego Milito me Real Zaragoza (Kupa e Mbretit 2006). Të pranishëm në listën e ngushtë janë edhe: Josep Samitier (1926), Carlos Bestit (1929), Martí Ventolrà (1935), Martínez Català (1940), Emilín (1944), Esteban Echevarría (1947) dhe Eulogio Martínez (1957).
