Të pushohesh nga puna është gjithmonë një gjë negative, gjithnjë nëse nuk je një trajner i suksesshëm dhe falë shkarkimeve të përsëritura në karrierë e fryn edhe më shumë llogarinë e madhe bankare. E Jose Mourinho e di mirë këtë gjë.
Mundo Deportivo, gazeta e njohur sportive spanjolle, ka llogaritur shumën e arkëtuar nga trajneri portugez pas shkarkimeve të marra në sezonet e fundit. Një artikull, ai i iberikëve, me një nuancë aspak elozhues ndaj Special One.
MOURINHO, KUR SHKARKIMI TË BËN TË PASUR
Artikulli i Mundo Deportivo fokusohet në faktin se dyert e futbollit të madh tashmë po mbyllen edhe për Jose Mourinho. E në këtë kuptim gazeta spanjolle kujtoi një frazë provokuese të portugezit disa vite më parë: “Mua nuk mund të më ndodhë e njëjta gjë që ndodhi me Pellegrini, sepse nëse largohem nga Madrid nuk do të drejtoj Málaga, do të shkoj në një klub të madh në Angli apo në Itali nuk e kam problem të kthehem të stërvis një klub të madh. Një frazë që u plak shumë keq, ose siç thotë gjithmonë Mundo "një provokim i kotë duke qenë se dyert e ekipeve më të mëdha në Europë po i mbyllen".
Lexo më tej: "Më shkatërruan jetën". Mourinho shpërthen ashpër ndaj pyetjeve tendencioze
Më pas, spanjollët bënë llogaritë në xhepin e portugezit, duke nxjerrë shumën “e pacipë” të fituar nga shkarkimet: “Mourinho mblodhi pak më shumë se 80 milionë euro. Një shifër që rrjedh nga shuma e kompensimeve të gjashtë klubeve të tij të fundit, duke përjashtuar Inter ku ai e respektoi kontratën e tij. Chelsea e pagoi 18 milionë herën e parë që e shkarkoi dhe më shumë se 8 milionë herën e dytë. Real Madrid iu desh të paguante 17 milionë më shumë për ta lënë të largohej. Rekordin e lamtumirave e mban Manchester United: 19.6 milionë e diçka më shumë. Nga Tottenham arkëtoi 15 milionë dhe, në të njëjtin sezon, kur ai u pushua nga Roma, futi në xhep edhe tre të tjera”.
